Boerin Wanne



He he, ier bink dan, 'twas glad een kakelspil gister éé,  

Noute riep, ma kwas nog glad nie pront estreekt.

Die vent é altiet zukken aest.

Mé, noe bink prontjes, ké mun krullen nog epoetst, 

Weetje waer 'k groos op bin......'ké nieuw beukje..   

'két een bitje esmokt en kéder péreltjes op a noait.

'Kbin d'r groos mee ó.

Mé...gister ék nog vee he daen ó...

"kwou ok nog a pront doekje.

Overa ék hekeke, ma 'twas nie né mun zin.

Toen ék ekoekelt...je weet wé...op dat dink...eet et hin pc?

En...dé zagik een mooi patroon.

Et eete: zuudbaai sjaal geloofk

"Kbin an de slag ehaan en 'twas glad nie moeilijk.

 In 1 évond aket klear

.

Ze é me van de ziekant ok eportret.

Zo zie je mun musse hoet.

Das altiet en eel werk om die hoet op te krige, 'kmoedr stikke vroeg

uut bedde vo, mé....op zun burgers hek nie or, ben wé wiezer..

Elke keer om nieuw hoet wan dan ist uut de mode, je hea né dun armen. 

Nee, la mien mé lekker in mun shorte lopen.

Das zo makkelijk, ask ant koken bin en de aerrepels moek afhieten,

nou, 'ké glad hin pannelap nodig, hewoon mee de shorte.

Mé, kga stoppe, Noute stea te wachtte, me haen nog ter visite weet je,

Mérrehe zak uitleie oe me toet stand bin hekomen.

 

Tot Mérrehe or........